五要素食堂 (已結業)

五要素餐廳，第一眼睇呢個名以為係素食餐廳，但再睇返個Menu發現原來係日式Fusion菜，再睇一睇服務員，全部都係外國人，哈哈。。。真係好多不同要素。講返啲食物，午餐好抵食，平均都係$80左右已經包埋飲品。我哋叫咗三款食物，第一款係美國黑毛和牛丼，牛肉口感柔嫩，牛味一流，飯係用日本珍珠米煮嘅，加埋啲醬汁一齊食好好味。我哋另外再配左個薯蓉同洋蔥湯。洋蔥湯就比較辣，可能加多左d胡椒粉，所以飲落有啲似胡椒豬肚湯😅。第二款係蟹肉靜岡大葉手打闊意面，蟹肉超級多，一啲都唔吝嗇呀，個面醬汁掛在面上亦好夾味道，唔太肥膩。最後一款係五芝士要素薄餅，雖然我地分唔到係咪有五種芝士，但芝士味極濃，餅底脆而且入口鬆化，果然係人氣之選。 下次再來可以試埋佢哋d小食同埋其他菜式，因為實在有太多選擇啦。