文興酒家 (大明里)

營業中

休息中

文興酒家以燒鴨及中式小菜做主打，早上經過本來以為係一般茶餐廳早餐，意外地竟然有西式早餐，早上人客不多，坐等舒服寧靜。早餐價錢合理由$40-68，試咗英式早餐同魚柳餐，配意大利即磨咖啡，咖啡香濃，兩個餐的份量相當大，魚柳即炸，非常香脆，配炸薯餅、煎雙蛋及雜果沙律，英式早餐有三片合成煙肉（如果可以改為真正煙肉就滿分了😜）、三條豬肉腸、煎双蛋、茄汁豆、炒蘑及多士，磨菇非常美味，以$68/$58的價錢來講，超值。其他選擇仲有水果沙律餐，秘製醬汁豬扒包，燒鴨瀨粉，雪菜燒鴨絲米等，下次會再試其他。