燒肉一番 (已結業)

朋友住葵芳，過親去搵佢都覺得好似幾好住附近又勁多野食，今次同佢試左間新燒肉店，好抵食下！牛小排套餐 $118200g有兩盤，有成廿塊肉，最緊要唔會切到又簿又散👍🏻油花唔多偏瘦少少，但係肉質都係軟腍。+$8轉紫菜飯更好味，另跟埋麵豉湯同泡菜。安格斯肉眼套餐 $168朋友揀左150g，原塊上無偷工減料，有厚度望落唔錯，依塊都係偏瘦，肉味幾濃👍🏻除左紫菜飯仲可以加錢轉玉子飯，蛋汁撈飯都好正。另外我地仲發現左依度d小食都好好食，芝士年糕同埋忌廉蟹肉薯餅，食落新鮮即整，年糕軟糯流心邪惡😈 薯餅都好香口。為左想傾耐d我地追加左d肉，牛五花，牛舌，牛小排同埋牛板腱各50g，可以每樣食d🤤全部質素都水準之內。野飲都係樽裝同埋汽水，但有minute mate 梳打好飲呀🤗我地食到放題咁賣單都係人頭$300倒，勁抵食。