櫻花樹下 (已結業)

櫻花樹下真係都幾抵食，唔貴之餘仲要有個位，可以舒舒服服咁坐吓，真係幾抵玩。叫咗個芝士大蝦反卷。反卷上面有一塊炙燒過嘅芝士，仲有唔少蟹籽。反卷飯嘅份量唔算好多，入面嘅大蝦炸得好脆，入面仲有彈性，成嚿反卷都實淨，唔會散開。食落唔會好肥膩，味道幾好。四十幾蚊又幾好食，cp值高！另外又叫咗啲串燒，有燒雞軟骨同雞肉。燒完熱辣辣送上嚟，上面已經有撒啲七味粉，隔離都有嚿檸檬可以落啲汁落去。燒得唔乾唔柴，都幾好食。櫻花樹下喺天水圍真係cp值滿分！