全記點心專門店 (已結業)

已經第二次嚟食全記。喺香港食點心，多數要去茶樓，但我一個人去茶樓有啲怪，呢種點心茶餐廳就最啱我。非繁忙時段，全記有點心孖寶， 30幾蚊兩款點心，非常抵食。不過我今日係午市，就要叫49蚊嘅午餐。午餐係一個飯加一籠點心加一碟油菜，呢個價錢來講，我覺得唔貴。飯味道正常，肉餅唔會太鹹太油，亦唔會非常薄，味道不錯。鮮竹卷用料紮實，味道普通，可能係湯底嘅問題，唔夠鮮味。油菜非常大碟，一碟頂其他餐廳兩碟，亦唔會有怪味，啱晒追求健康嘅香港人。食完埋單走，午飯時間都唔滿座。相比隔離光榮冰室大排長龍，我覺得全記都可以一試。