校長燒肉日韓料理 (已搬遷) 新店位置

一早就想食間，d朋友都話好食，所以積極d抽下時間去試下 ，終於約到朋友陪我一齊食啦，環境不錯，不算密麻麻太嘈吵，可以一邊燒一邊傾到計，食物質素好好，我最鍾意燒原味既食物，千其唔好用d濃烈醬料醃左，冇晒肉類原本既鮮味所以我多數揀冇醃制過既肉類黎燒，燒到剛剛好熟，先至係最好味，最要推介下燒菠蘿，用新鮮菠蘿，輕輕燒到小小微黃，就可以食，多汁小小酸中帶甜，食完一大堆肉類就緊要燒番2件菠蘿黎消下消滯，再食甜品。甜品又係目不暇給，有雪糕波波球，好大粒架，食到好滿足，仲會有而家最hit既益力多味添，超正。其他甜品有茉莉話梅蒟蒻好清味好QQ呀，蜜瓜奶凍好滑好香，芒果啫喱夠晒煙韌好有口感。店內熟食亦相當多，根本多到我要分2次黎食先可以食得晒，大飽