泰之味

前排同朋友去咗間餐廳，點咗辣椒膏炒蜆（小辣）、燒泰式豬頸肉、馬拉盞通菜、兩碗油飯。重頭戲係滿$300加1蚊有半隻海南雞，超抵！

辣椒膏炒蜆
蜆新鮮肥美，辣椒膏香辣惹味，配啤酒一流！份量略少，食得有啲唔夠喉。

燒泰式豬頸肉
外焦內嫩，酸辣醬汁開胃，青瓜解膩，香到我哋搶晒食，真想再叫一碟！

馬拉盞通菜
通菜爽脆，馬拉盞鹹香下飯，香得來但唔會太鹹！

油飯飯粒油香濃，配菜汁絕配，兩碗三兩下清晒，大胃王可能要多叫一碗。

海南雞，半隻雞皮滑肉嫩，薑蓉醬提鮮，1蚊嘅價錢抵到爆，夠幾個人share！