新居民會所餐廳 (已結業)

呢個警舍餐廳就係我屋企附近， 佢d食物價錢合理，味道唔錯，四十幾蚊就有湯，有餸有飲品，而且份量都好多，所以好多時候唔煮飯都會落去叫三個小菜套餐食。 試過一家十二口落去食，都係埋單600蚊有找，十二個小菜，仲平過自己煮 。今日我地點左：生炒骨 套餐 - $42 - 件件都脆皮，只係個汁酸左dd，但老公同仔仔話ok。薑蔥鯇魚煲- $48-上檯熱辣辣，喳喳聲，火氣十足，味道一流，仲有我最鐘意食o既豆腐，愛死。(不過佢係用魚背肉，如果怕細骨就要考慮下，但我就唔驚^^)。上湯浸豆苗 - $48-配料都唔少，有肉碎同草菇，唔油膩，good!!