Pepper Lunch Express

營業中

休息中

收工約左老友係屯門食晚餐，今日經濟少少係屯市既food count，入面搵食，之前黎過都見到呢間全港都有好多間分店既鐵板飯專門店，主要都開係food count多，今日就一於試試。泡菜黑椒牛肉飯加芝士雞蛋落單後10分鐘左右就有了，牛肉係生牛肉直接放落鐵板度煎熟，食果陣要自己留意下牛肉熟未，鐵板都非常熱，加左芝士同蛋撈埋飯食增加香咪味同口感，建議都加，飯既底部都俾鐵板煎到有飯焦，牛肉既質素就好普通，但勝在黑椒調味得好，泡菜煎一煎都好好送飯，68蚊黎講真係幾ok，岩晒我呢d比較重口味既人。珍寶漢堡扒芝士日式咖哩飯老友食呢個，本身芝士同咖哩汁係分開我影果陣佢已經倒左落去了，我本身對日式咖哩就麻麻地，老友就話唔夠濃味，漢堡扒就幾厚幾大塊食落都有肉味唔會溝好多粉。整體黎講係屯市food count食野就比較經驗d，幾十蚊有個特色鐵板飯食算是平靚正。