真味鮮廚 (已結業)

天氣轉涼第一件事就想食雞煲火鍋，朋友介紹就去到位於觀塘這間「真味鮮廚」可以一個價錢食到幾種不同款式的食物及火鍋配料！入座後店員逐一安排食物上台😋重慶雞煲雞煲可以按照個人喜好選擇辣度，雞肉預先煮熟炒熱之後就可以食，雞肉熱辣辣好入味，調味亦都適中！海鮮拼盤海鮮非常豐富賣相吸引，有龍蝦，蟶子，海蝦，北寄貝，龍躉和鱔片等，海鮮樣樣新鮮，特別是龍蝦，啖啖肉爽口鮮甜又彈牙，蝦頭帶點蟹膏好香濃，龍躉的魚皮充滿膠原，煙煙韌韌，魚的肉質好鮮嫩，北寄貝厚肉清甜！刺身拼盤有三文魚，帶子，牡丹蝦，八爪魚，吞拿魚和鮑魚，鮑魚大大隻甜甜地好清甜，三文魚好肥美，其餘都好新鮮好好食😋安格斯牛肉牛肉薄切，肥瘦均勻，食落牛味香濃！湯底選擇了皮蛋香茜鍋，配料我們點了黑豚肉，蟹柳，炸枝竹及芋頭，黑豚肉肉質幾嫩滑配埋醬料一齊食味道幾香，芋頭煮得好淋，枝竹吸入湯底好入味！飲品方面除了汽水啤酒，竹蔗茅根都是不錯的選擇，材料份量好十足！