虎爺海南雞 (已結業)

成日煮飯都頭痛食咩好，有時返工太忙，都想做一下「無飯家庭」，當然食兩、三餸飯就最方便，但就有點委就自己，於是有時心思思，都會想食下車仔麵、海南雞等香口菜式。呢日經過街市無買餸，行過「虎爺海南雞」，決定買少少外賣返去屋企一試。呢日我試嘅係麻辣無骨海南雞脾飯（$50）、麻辣海帶（$18）同 (細)泡椒雞腳（$22）。麻辣海南雞飯嘅雞肉軟腍，雞皮爽薄不肥有雞味。而個油飯粒粒分明帶油光，亦有濃郁油香，配埋個麻辣醬汁，辣汁味重，香口好吃，好快就可以KO完一盒飯。至於麻辣海帶好有咬口，而泡椒雞腳就好入味，最後飲埋碗花生雞腳湯中和一下濃濃辣味，食完成餐真係好滿足！虎爺海南雞 (灣仔)地址：灣仔灣仔道181號C號舖