菊鮨 (已結業)

💡抵食高質日本午餐同朋友行完街，就搵野食，呢間位於銅鑼灣登龍街新開的日本料理，以木系裝修為主，而且有兩晶箱房，岩曬同一班朋友黎聚下。🍽蒲燒鰻魚定食飯🐠鰻魚肉質好肥美，燒得好香，味道岩岩好。而且鰻魚汁好juicy，令到珍珠米飯索曬的醬汁。另外定食都配左沙律菜、味噌湯及蒸蛋，十分滋味。🍽Omakase定食🍣🐠呢個係廚師根據當日有咩時令食材而去定，當日就壽司🍣有油金魚、平目、帆立貝、中拖羅及深海池魚，另外仲有三文魚刺身及仙鳳子生蠔，夠曬豐富，食材好新鮮，中拖羅好肥美，入口充滿油脂，帆立貝夠厚身等等。生蠔盲夠曬鮮甜，又唔會好重海水味。另外都會配有沙律🥗，蒸蛋，仲會有牛肉烏冬，非常豐富。