影片
更多
2020-12-11
1631 瀏覽
今日難得地淨係要返半日學，仲要係星期五。星期五代表啲咩？代表之後放假。既然今日係個咁好嘅日子，一於就同同學放學之後搵好嘢食啦。今年差唔多成年都冇得去旅行，即係好耐冇搭過飛機啦。但又唔想比咁貴去搭轉飛機遊香港，因為其實唔係掛住搭飛機嘅感覺，而係想去旅行。搭飛機遊香港嘅錢不如拎嚟喺香港食嘢算啦。同學話聽講呢間餐廳有飛機餐食，仲上網搵咗個Menu俾我睇添。我見佢50幾60幾蚊一個lunch set，有齊主食、前菜、麻醬豆腐、時令水果、芒果布甸同埋飲品一杯，飲品仲有得揀士多啤梨奶昔添！呢個價錢咁抵食，仲要話係飛機餐咁有gimmick ，好似值得一試。當係懷念下去旅行嘅感覺又好，當平平地食一餐又好，總之就值得去試下嘅。我地兩個人就叫左兩個餐share食嘅。Menu上大部分野食嘅名都有個國家名嘅，隔離又有嗰個國家嘅國旗圖案。揀邊樣嘢食，就好似揀去邊度旅行咁。🇫🇷法國黑松露闊麵條伴大蝦 $68大蝦有兩大隻，同埋真係好大隻，我見到都有啲驚訝，估唔到$68會有兩隻咁大隻嘅蝦食。大蝦燒香左，剝殼之後有好濃嘅蝦味。黑松露醬一大堆，可以自己撈埋落啲麵到食。好食。略嫌闊條麵煮得軟身左少少，不過感覺又好食過真正嘅
今年差唔多成年都冇得去旅行，即係好耐冇搭過飛機啦。但又唔想比咁貴去搭轉飛機遊香港，因為其實唔係掛住搭飛機嘅感覺，而係想去旅行。搭飛機遊香港嘅錢不如拎嚟喺香港食嘢算啦。
同學話聽講呢間餐廳有飛機餐食，仲上網搵咗個Menu俾我睇添。我見佢50幾60幾蚊一個lunch set，有齊主食、前菜、麻醬豆腐、時令水果、芒果布甸同埋飲品一杯，飲品仲有得揀士多啤梨奶昔添！呢個價錢咁抵食，仲要話係飛機餐咁有gimmick ，好似值得一試。當係懷念下去旅行嘅感覺又好，當平平地食一餐又好，總之就值得去試下嘅。
我地兩個人就叫左兩個餐share食嘅。Menu上大部分野食嘅名都有個國家名嘅，隔離又有嗰個國家嘅國旗圖案。揀邊樣嘢食，就好似揀去邊度旅行咁。
🇫🇷法國黑松露闊麵條伴大蝦 $68
大蝦有兩大隻，同埋真係好大隻，我見到都有啲驚訝，估唔到$68會有兩隻咁大隻嘅蝦食。大蝦燒香左，剝殼之後有好濃嘅蝦味。黑松露醬一大堆，可以自己撈埋落啲麵到食。好食。略嫌闊條麵煮得軟身左少少，不過感覺又好食過真正嘅飛機餐。
🇯🇵日本蒲燒鰻魚飯 $68
鰻魚上面有紫菜，好夾。飯上面淋左鰻魚汁。都係一個幾好食嘅鰻魚飯黎架。
🍞前菜係餐包，味道正常。
🍮麻醬豆腐味道唔錯，係芝麻醬，豆腐幾滑。
🍎今日嘅時令水果係兩舊好甜嘅菠蘿。
🥭芒果布甸都幾好食，已經有埋花奶。
🥤士多啤梨奶昔
味道唔太甜，唔算太濃但食到幾多士多啤梨肉，清得黎又幾好飲，感覺上又唔會太邪惡。
🐥Follow餐廳嘅ig仲有3隻香脆炸雞翼送。呢個雞翼真係意料之外嘅好食！放左一陣塊皮都仲係好脆，炸粉又完全唔厚，雞肉仲好滑，調味又啱啱好。
香脆炸雞翼
37 瀏覽
0 讚好
0 留言
有得揀坐戶外定係室內，其實兩邊嘅sofa都好似幾舒服。不過見今日天氣咁好，我就揀左坐戶外。有自然光，連影相都靚啲！
食完最後仲有張登機證送！值得留為紀念。
張貼
