新麻蒲 BBQ (大埔超級城) (已結業)

平時都會嚟大埔食飯，最近天氣凍就好鍾意打邊爐、食韓燒。今次見到大埔呢間較出名嘅韓燒店就更加要同朋友一齊去食下啦。坐低無耐店員已經非常有禮貌放低咗幾款韓式前菜小食。個人非常鍾意佢嘅泡菜辣到適中而且泡菜質感非常爽口。今次揀呢個韓式午餐套餐相當抵食，除咗有韓式燒肉更有海鮮湯、蔬菜、紫菜飯等等。燒肉拼盤話咁快已經送到過嚟，當中佢嘅護心肉真係超級超級好食，肉味濃郁且肉質豐富。而佢嘅五花肉油脂豐富，食落軟淋且有咬口，絕得值得再食。其實食到一半已經覺得超飽㗎啦，而佢嘅海鮮湯入面有不同嘅海鮮配料、豆腐等等非常豐富。海鮮湯更加可以配上紫菜飯一齊食非常有韓式風味。