CHIMAC (QRE Plaza) (已結業)

今日OT好多嘢做，忙到痴晒線，唯有買樓下嘅炸雞外賣，邊做邊食。之前食過中環分店嘅二人餐，今次都叫返個二人餐同同事share。🐓二人特攻炸雞盒套餐🐓🐓原味炸雞，黑炸醬炸雞炸雞新鮮熱辣辣，黑炸醬好似食緊炸醬麵咁，少少鹹，配炸雞都幾夾。🐓炸紫菜卷，魚糕串紫菜卷唔油膩好香口，魚糕煙韌彈牙，食到有啲好似返咗韓國街頭嘅感覺。🐓韓式牛肉飯，韓式粉絲食埋就完全飽肚，非常抵食。總結，呢個二人餐由order到攞餐5分鐘唔使，又快又飽肚又平，OT奴工必食之選。