倫哥火鍋私房菜 (已結業)

今晚又約咗朋友去食倫哥，上次試過尖沙咀唔錯，今次就大家番屋企方便，所以卜咗深水埗分店原來仲可以WhatsApp訂位，夠晒方便一黎先整個雞煲先，係等既同時有鮑魚冬茹食兩樣都燜得好林，好入味，另外仲有猴頭茹煲雞腳，好足料，調味啱啱好依個食雞煲好講究，先得雞煲滾起，每2分鐘攪一攪，一共4次，就食得喇，食到一半可以再加入豬皮、牛柏葉、魷魚落去，吸曬d汁食唔夠食又可以再加雞，食到夠為止，不過唔好忘記仲有火鍋，食太飽就食唔到黎緊既海鮮火鍋！！！蕃茄薯仔湯底個湯底唔太濃味，好似平時飲既蕃茄薯仔湯咁，食完雞煲後再點個冇咁濃既湯底都唔錯海鮮拼盤都包括好多種類，e.g.蠔、蚌、蟶子、脆肉鯇魚、龍躉片等等，當中有啲可以refill，有啲唔得，不過一份已經夠曬食牛肉唔可以refill，佢提供既份量係夠咁多個人食，所以唔擔心唔夠，不過要擔心食唔曬推介大家一定要試下右邊兩份墨魚滑&魚滑，黑白兩隻都好味，彈牙爽口，而且裏面好多料，有蝦、墨魚等等，增加口感響令、丸類、菜類都有，唔夠可以再添不過魚皮就一般，唔夠脆口食飽飽之後就每人有一份甜品 - 椰王燉蛋味道好香濃，又夠滑完美既句號