新南苑私房菜 (已結業)

依日約咗friend去食150分鐘開心餐，有雞煲+打邊爐任食，價錢都幾抵。入面裝修亮麗，仲有好多個大電視，大卡位坐得好舒服，玻璃櫃裏面仲展示左好多店主嘅珍藏玩具模型，好有特色。首先嚟咗招牌麻辣雞煲，嚟到先焗8分鐘，每隔2分鐘打開炒炒佢，麻辣香氣四處飄，好快就食得，雞件入口滑嫩入味，麻辣味道有層次，一鍋都好多，食完仲可以任添。開心餐仲跟埋一隻刺身拼盤船，仲有埋乾冰煙霧效果，當日有蝦丶三文魚丶蟹柳丶北寄貝丶鮑魚等等，都好豐富。食完雞煲就揀湯底，開始打邊爐。揀咗花膠蟲草花湯底，任食配料除咗有美國牛肉，仲有響鈴丶炸魚皮丶鴨血丶台灣黑椒豬肉腸丶灌湯小籠包等等。另外仲有飲品任飲，有薏米水清熱氣唔錯，仲有熊仔樽花茶，食足兩個鐘，真係超飽。