至尊重慶雞煲 (創興廣場)

營業中

休息中

已經一段時間冇食雞煲，今日同朋友聚會決定食，呢間地方大坐得比較舒服，一入去坐嘅時候店員就問我哋選擇什麼辣度，因為我唔係好食得辣所以揀咗小辣。等緊雞煲嗰陣我哋就出咗去拎飲品，飲品選擇多，而且雪得好凍，好清涼。由於我哋得兩個人所以會送上半隻雞，雞肉嫩滑多汁，醬汁濃郁，食完雞之後店員就幫我哋加湯可以去打邊爐。打邊爐醬汁配料可以出邊拎，另外仲有自家製餃子，餃子皮薄餡多。我哋另外叫咗牛肉羊肉，肉味濃郁，嫩。另外我覺得貢丸幾好食，彈牙。魷魚筒豬皮吸收晒醬汁味道。廣島蠔鮮甜美味。食到好飽，我哋仲出去食咗雪糕，雪糕選擇非常之多。