碼頭酸菜魚 (已結業)

某天晚上去北角碼頭附近行街，之後見到碼頭附近有間別緻小店門外掛左水母燈飾而且好近海邊，由於太凍職員好好甘叫我入內坐等外賣，餐廳入面可以望到海景，我揀左招牌酸菜魚(二人份)$168，酸菜魚好大碗入面好足料，放左薯仔，鱸魚肉切成既魚片，荀片，木耳，金菇等等材料整成仲有薯粉，另外呢度除左酸菜魚仲有好多特色小菜，我揀左芥末炒牛小排$128，牛小排切粒加冬菇，翠肉瓜，雞脾菇同埋芥末醬都幾惹味，牛小排好淋小食就揀左香酥五香卷$58，五香卷香脆，不過如果肥肉少dd就更好香煎滑蝦餅$68，蝦味香，如果可以厚身大塊d口感會更好。下次有機會都想試下望住個海景堂食一下。