味千拉麵

營業中

休息中

好耐好耐無食過拉麵啦，呢間連鎖店可以話係香港日式拉麵店嘅始祖。如果無食過就真係要試下啦，價錢唔算貴，比起一啲過江龍仲可以話係平添。惡魔雞煲拉麵呢款雞煲醬真係超高人氣。自從多左係屋企食之外，每次整雞煲都一定買佢。見到佢同拉麵Crossover ，真係即刻心郁郁。佢有三個辣度揀，我就揀左中間「都幾辣」。果然，都真係幾辣，同平時食雞煲好似。有好多雞件，份量十足，仲有少少三色椒。加埋軟硬度啱啱好嘅拉麵，食得非常滋味唐揚炸雞香脆可口，炸粉好薄，係啖啖肉。擠左檸檬上去，帶少少清新！巨峰乳酸特飲好大杯，唔會好甜，酸甜酸甜，仲可以解下辣添！