美蘭廚房 (已結業)

本人是車仔麵控，諗唔到食乜就會食麵。依到車仔麵都幾多麵底揀，我哋揀咗紅薯粉同自家製麵條，紅薯粉煙韌彈牙，自家製麵條有咬口。湯底係清湯同辣汁，叫咗中辣都幾辣，啱我，枱頭仲有辣菜圃可以落。湯底食完不會口渴。肚餓所以叫咗好多餸，有三寶咖哩魚蛋，豬皮，蘿蔔，生菜，魚腐，韭菜餃，牛腩。最喜歡蘿蔔，餃子同魚腐，蘿蔔清甜無渣，餃子應該係自己包的，肥美飽滿，魚腐好大粒。凍檸茶的糖水可以自己落的，減肥的我就唔落了。