螺鼎記 (已結業)

旺角間螺螄粉大排長龍，我見深水埗都開左間，又唔洗排隊所以就試下佢味道如何啦！炸蛋好香蛋味，唔會成口油，索哂鮮味十足既湯底，夾埋d爽彈既粉，真係好好味。湯底鮮味十足，酸辣開胃，不過湯底就唔係太多酸荀既味，唔夠濃陣味。雖然係咁，但係佢整體味道係好食嫁。可加配料，每款價錢不同。今次我加左福建魚丸$8/2粒，超大粒，比長洲魚旦再大d ,個餡係豬肉。口感同普通魚旦唔同，佢係軟糯d，同樣地美味可口。滿滿一大碗，湯底係正宗既福州常用既湯底，加左蝦皮、紫菜。食到好重既胡椒粉味，醋就落多左d，有d酸 ！成碗湯，肉片係好多，但係佢整得唔係太彈牙，口感味道都普通，不過佢勝在抵食，咁大碗先賣$35，就食到咁富有特色既地道美食。