鳴越 Pho (已結業)

午飯時間嘅中環，對於打工仔嚟講真係一個重大考驗，堂食大排長龍，等得位同叫埋嘢食，午飯時間可能冇咗一大半；諗住叫外賣，點知就漏單，或者行到返公司，盒飯都已經唔夠熱。食餐飯姐，都唔可以好好享受吓！如果公司午飯時間可以彈性處理，兩點後嘅時段除咗人少啲，有啲餐廳仲已經提供下午茶優惠，今日就同B同事，嚟到中環嘅嗚越Pho，輕輕鬆鬆咁食個晏。越式春卷下午茶可以另叫小食，我哋就叫咗個春卷share，春卷即叫即炸，熱辣辣脆卜卜，最夾就梗係加埋生菜一齊食，除咗夠新鮮，仲冇咁油膩，食落更加有口感。越南生牛河以下午茶嚟講，牛肉份量算多，湯底濃郁，河粉夠滑，生牛肉輕輕一浸到六至七成熟，唔會太韌，牛肉味香濃。香燒豬頸肉撈檬豬頸肉燒到脆邊，夠晒香口。檬粉份量超多，將青瓜絲、蘿蔔絲、炸蒜撈埋一齊食，就更加有口感。