越北牛肉粉專門店

營業中

休息中

想食越南菜嘅話，第一時間就會諗起越北牛肉粉😚 越北除咗有多間分店十分方便之外，食物質素唔錯，價錢亦都好實惠。咁啱公司附近有一間分店，所以平時午餐或晚餐都會時不時去食！越式綜合牛肉湯粉 - 生牛肉片同牛腩片都好新鮮鮮嫩，生牛肉浸兩浸就熟，口感幾嫩，牛丸牛味香濃幾彈牙。如果唔想太濟我會揀湯濛粉，當然都可以選擇河粉/ 金邊粉。牛湯以咸味為主帶點清甜。想健康啲嘅不坊叫一客魚露雜菜，有西蘭花、椰菜同紅蘿蔔等等。另外點少得一杯清涼特飲越式青檸梳打🤤