鴻福堂 (已結業)

阿媽依排晚上成日約朋友聚會，換言之，我要食自己。雖然我廚藝都唔錯，但天氣又濕又熱，真心唔想落街買餸，仲要開爐煮又要洗碗呢...嗯！ 每次一支公諗唔到食咩！ 鴻福堂就係我救星。 其實都幾鍾意佢既套餐。 蒸飯同湯，都係$50； 而且蒸飯夠多選擇。 今次選擇左「南瓜🎃馬蹄肉餅紅米飯」紅米其實份量好少，白米為主；配料南瓜同肉餅都鮮甜，唔駛加醬油，已經夠哂味！好少男人鍾意飲湯，但我例外。 特別鍾愛中湯！「海底椰合掌瓜百合雪耳豬腱湯」 見到個名咁長，感覺幾多材料！ 湯底都幾濃郁清甜！ 依間標榜無色素無味精，食得安心又放心