茶A (已結業)

今日放工去咗粉嶺食tea，行過見到呢間餐廳裝修幾靚，燈光光猛，極具空間感。入到餐廳，卡位十分舒適，服務員態度都好好。我地點左兩個茶餐，另外再單點兩個菜。咸牛肉炒蛋多士好特別，有四塊牛油多士圍碟，碟中放咗圓形咸牛肉炒蛋，夾幾多隨自己喜歡。咸牛肉炒蛋味道很好，比單吃咸牛肉無咁肥膩，可以一試。另外我哋點左濃香星州炒米。茶餐來講份量都不少，仲足料，大大隻蝦仁配上濃烈的咖喱味👍🏻👍🏻見到menu個麻辣雞煲好吸引，所以我哋試左！呢度嘅雞煲同其他地方食嘅有啲唔同，呢度比較重豉椒味！雞肉本身新鮮爽口，啲麻辣肉送飯食真係好正！