四喜冰室 (已結業)

今日同同事搵午餐食，我哋最後去食成日都去食嘅四喜冰室，因為呢一間茶餐廳都非常之抵食，佢好大份得來而且價錢唔係好貴。💯鮮茄焗厚切豬扒飯 $58，今次我就叫咗自己最鍾意食嘅鮮茄焗豬扒飯，焗豬扒飯通常都係即叫即焗所以等嘅時間都會比較耐少少，但係等耐少少都係值得嘅，因為佢嘅焗豬扒飯真係非常之惹味！而且佢嘅厚切豬扒真係好好食😋🥗韓式燒雞髀田園沙律 $60，另外朋友就叫咗一個沙律然後我哋一齊食，因為佢啲嘢食真係好大份，所以我同同事通常會share一個沙律一齊食，感覺冇咁罪惡咁！