金記冰室 (Two Harbour Square) (已結業)

屋企附近想快食家常菜，諗起食過金記唔錯，又黎幫襯。金磚風沙炸豆腐 ($65)豆腐岩岩炸起，香口熱辣辣，脆皮脆卜卜得黎唔會好厚，風沙好夠味，咸淡適中。梅菜扣肉 ($62)平時少機會食到梅菜扣肉，醬料幾惹味，扣肉都入味，如果再腍d就好。黃金雞翼 ($68)冇諗過一個幾十蚊既晚市套餐會有成6隻雞翼，食到咸蛋黃既香，炸得岩岩好。菜心炒牛肉食得出係乾炒牛河既牛肉，超級足料、肉仲多過菜。冰鎮奶茶同黑牛唔係度度都飲到，冰鎮之下飲幾耐都唔會變淡，黑牛就略嫌兩樣夾埋甜左少少，岩小朋友多D。整體都幾抵食。