戶井北海道米比薩 (已結業)

北海道米pizza執剩兩間？ 我第一次拍拖就係食呢間餐廳（沙田），以前喺銅鑼灣返暑期工都久唔久過嚟食，質素唔錯，點會咁㗎 呢次同阿媽去食下午茶，唔太肚餓，見呢個英式下午茶吸引又唔貴就行咗入去。$128加一包兩杯野飲，hea成粒鐘好舒服。飲品一般，檸檬茶自己落糖漿，個人不太喜歡，因為比較麻煩，但味道正常。食物方面，下層的炸雞翼出奇地好食，皮脆，肉汁也足夠。炸魷魚稔身，可加重調味。中層的鹹點和上層嘅甜點整體而言不過不失。上層嘅甜點略嫌cream太多，怕肥的人未必好。中層的三文魚穌較好，有大量煙三文魚在內。ham和蜜瓜味道正常。雖然食物未算十分出色，但$128嚟講絕對抵，因為可試勻咁多樣野食。（但見佢再捧出黎serve ge，三層排序跟我們的不一樣 ）隔離枱有10位女士聚會，見個英式下午茶咁吸引佢地全枱叫咗5個 食物、環境、服務都唔錯，希望唔好咁快執啦。