火五越式牛肉粉專門店 (其昌樓)

營業中

休息中

打工仔放Lucnh特登走尼食呢間火五越式牛肉粉專門店，上次因為太多人排隊放棄咗，最近應該多咗人WFH所以少咗人排隊，排一張枱就有位啦～喺門口已經落定單，坐低無耐就有得食啦。 火五生牛肉檬($42)大大碗好足料！湯頭好鮮，好清佐夠牛肉味，而生牛肉有6片左右，性價比好高！另外會俾杯芽菜﹑金不奐同青檸，根據自己口味落啦~個人鍾意食到一半就落晒佢，味道更有層次~ 火五生熟牛肉檬($58)一樣生牛肉都有好多片，而熟牛肉份量都唔少，而且唔會太鞋，好入味。 手作大蝦米紙卷($38)一碟有4件，每件入面都有蝦﹑粉絲同生菜，食得出好新鮮，不過就冇配送埋米紙卷嘅汁，要用枱上面既醬自己調配啦。 埋單$138冇加一，整體性價比都算高，經過呢頭或食個Light meal都非常適合。