影片
更多
2008-11-07
14 瀏覽
網上電台聽到介紹萬花紅的蛇宴，講到好食好扺，我阿媽又鐘意食，加埋哩度的網友都有唔錯的評價，咁就一於約埋家人去試。訂咗半席，不過得5個人，預咗當食自助餐咁飽死。初初入到去都有d驚，因為得一圍枱有人。但係訂咗，又一家人，硬著頭皮啦。白灼中蝦，新鮮，我相當肯定，因為我屋企成鬼日食蝦。炸蝦球，彈牙，唔錯。不過唔算係我所食過中最好食，但係都算好食。炒蛇絲，材料包括蛇絲，有肉絲，筍絲,,,,哩個要彈吓，蛇絲較少，肉絲較多，約3-7比。瑤柱草菇金菇扒西蘭花，好耐無食草菇，唔錯。豉油王雞，雞肉好滑，夠味。可能係冰鮮雞，不過仍然推介，因為好大隻。蛇羹，每人2碗。我較鐘意近似湯的，所以覺得ok。基本上食到哩度已經飽咗~~~~~盤龍鱔，我屋企又係成日食鱔，我個人比較鐘意火腩燜，不過都ok。雙冬羊腩煲+ 生菜，新鮮羊，肥美。嘩，仲有~~~~我妹夫見到有腐乳上時好似有d驚。伊麵，第一次食到哩種質感的伊麵，有意大利粉feel，個人喜好，推介。但係5人中有1人無食，1人有微言。生炒糯米飯，有鑊氣，推介。甜品係西米芋頭，4/5人認為好好味。我個人麻麻地好芋頭，比較鐘情紅荳沙。我其實食之前無問過包唔包汽水，不過阿姐無問
訂咗半席，不過得5個人，預咗當食自助餐咁飽死。
初初入到去都有d驚，因為得一圍枱有人。但係訂咗，又一家人，硬著頭皮啦。
白灼中蝦，新鮮，我相當肯定，因為我屋企成鬼日食蝦。
炸蝦球，彈牙，唔錯。不過唔算係我所食過中最好食，但係都算好食。
炒蛇絲，材料包括蛇絲，有肉絲，筍絲,,,,哩個要彈吓，蛇絲較少，肉絲較多，約3-7比。
瑤柱草菇金菇扒西蘭花，好耐無食草菇，唔錯。
豉油王雞，雞肉好滑，夠味。可能係冰鮮雞，不過仍然推介，因為好大隻。
蛇羹，每人2碗。我較鐘意近似湯的，所以覺得ok。
基本上食到哩度已經飽咗~~~~~
盤龍鱔，我屋企又係成日食鱔，我個人比較鐘意火腩燜，不過都ok。
雙冬羊腩煲+ 生菜，新鮮羊，肥美。嘩，仲有~~~~我妹夫見到有腐乳上時好似有d驚。
伊麵，第一次食到哩種質感的伊麵，有意大利粉feel，個人喜好，推介。但係5人中有1人無食，1人有微言。
生炒糯米飯，有鑊氣，推介。
甜品係西米芋頭，4/5人認為好好味。我個人麻麻地好芋頭，比較鐘情紅荳沙。
我其實食之前無問過包唔包汽水，不過阿姐無問我地飲咩，所以我地都無叫。因為見到各網友post的價錢比我今次食的貴，所以可能cut咗。
另，後來有一枱人入嚟，叫咗兩次馬拉榚，第二次叫時，阿姐問我地要唔要，要就順手蒸埋。第一反應係唔啦，已經好飽，不過我作為新界人好少過海，不如都試吓啦，終於順手叫咗兩件。$15/件，都ok。
真係無加一/茶介，900就900，加埋2件馬拉榚930，原來我諗住俾50蚊tips，結果...嘻，都係俾950埋單。
如果大家6個人有男有女的話，一定飽。糯米飯打包咗一半。另一件馬拉榚打包，預咗留俾人食。
我個人覺得每年秋冬可以幫襯兩次，因為真係算抵。
不過個人生理味精反應，所以應該有落味精，但唔多。一般出開街食飯的人應該接受到。
張貼
