牛摩 (荃灣千色匯I) (已結業)

今次嚟到荃灣，一於嚟試吓呢一間牛摩，因為見到佢有呢一個任飲任食嘅牛肉放題，都係$288 ，咁就一於試吓佢呢一個放題有幾好食啦。的而且確，呢一個雙牛放題套餐真係好抵食，先係有呢個嫩滑鮮雞件，仲有好好食嘅封門牛柳，同埋呢一個和牛牛肩脊，仲有一個新嘅湯底係椰子雞湯，仲可以要鴛鴦鍋，所以就叫多一個壽喜燒嚟食。個椰子雞湯煲得好濃郁，個壽喜燒湯底都好好食。牛嘅份量好大份，最緊要係啲牛肉好新鮮，隻雞都好好食好大份，絕對對得住呢一個價錢。個牛舌都好爽好好食，牛小排肉質好鮮嫩，入口即溶，鍾意食牛嘅人一定要嚟狂食🤪另外佢仲有好多蔬菜同埋其他火鍋配料選擇，你可以自己夾，嘢飲都係任飲，有汽水咖啡等等。呢一個手工餃子幾好食😋最後就自己整埋個frozen yogurt作為甜品完結呢個好美味嘅牛肉放題。