碗屋 (已搬遷) 新店位置

上星期五補祝細佬生日請屋企人嚟碗屋食飯。預早一星期book位，本來需要坐bar檯但最後被安排坐近門口的位置，雖然多人出出入入，但係好過坐bar檯。我細佬係刺身狂迷，所以order咗幾round刺身。個人覺得刺身中帶子最新鮮，其餘三文魚，油甘魚，赤貝同甜蝦都可以。除咗刺身，我試咗以下食物：壽司，手卷類- 迷你海胆手卷，辣三文魚卷鐵板燒類- 多春魚，牛肉薄燒及厚燒，銀雪魚，鰻魚，帶子，大蝦，蠔，鵝肝，野菜，燒蕃薯炸物–軟殼蟹，蝦天婦羅冷食–柚子沙律，蕃茄沙律，三色豆腐，螺片碢物–雜菜碢我覺得牛肉薄燒，鵝肝同埋三色豆腐最好食。牛肉好嫩，鵝肝就剛剛好，墊底嗰塊多士好脆，而三色豆腐就好精緻。不過佢每一份食物個size都比較少，要order多幾次先覺飽！最後每人送一球雪糕，我揀咗芒果，芒果味好香，為呢一餐留下完美句號！P.S.最近餐廳開始有長者優惠，價錢跟小童一樣，可以多D帶阿爸同阿媽嚟食！