影片
更多
2022-04-29
62 瀏覽
難得和家姐撐枱腳，就帶佢去食佢喜歡的生蠔，呢間蠔站有幾間分店，銅鑼灣呢間都幾大，酒吧feel, 下午人流不多，大電視播著音樂，氣氛輕鬆。下午可選午餐或散叫，我哋兩個都想食light啲，所以叫咗一個「牛油果羽衣甘藍凱撒沙律」（ $118 ）同埋「石燒紐西蘭肉眼扒」（ $168 ）share食。午餐本身已經包餐湯和沙律，今日係羅宋湯，酸酸地幾開胃，另外沙律都幾好食，紫色椰菜唔會苦，仲有橄欖同車厘茄，加埋啲胡麻醬，清新開胃。嚟得呢度梗係要叫生蠔，呢度有$10/隻超抵食，即管叫半打試試，今日呢啲來自澳洲，Size適中唔會太細，而且都幾鮮甜，感覺新鮮。沙律份量都幾多，除咗羽衣甘藍仲有羅馬生菜，感覺好新鮮，牛油果都好多，略嫌生咗少少，加埋脆脆麵包粒同芝士碎，好味呀！至於石燒牛都幾厚切，店員解釋由於每位客人食牛的生熟程度不一，所以佢建議我哋先將塊牛放落碟，都食嘅時候切開，可以按自己要求再將佢放返上塊石燒度，舊石大概可以保持半個鐘頭嘅熱度，即使唔熱都可以叫店員再換另一塊。開頭見佢拎過嚟嘅時候好似冇乜汁，不過食落其實都有肉汁，一啲都唔乾，而且我覺得生熟程度剛剛好，裏面略略粉紅色，都幾好食。最後我哋加咗$
下午可選午餐或散叫，我哋兩個都想食light啲，所以叫咗一個「牛油果羽衣甘藍凱撒沙律」（ $118 ）同埋「石燒紐西蘭肉眼扒」（ $168 ）share食。
午餐本身已經包餐湯和沙律，今日係羅宋湯，酸酸地幾開胃，另外沙律都幾好食，紫色椰菜唔會苦，仲有橄欖同車厘茄，加埋啲胡麻醬，清新開胃。
嚟得呢度梗係要叫生蠔，呢度有$10/隻超抵食，即管叫半打試試，今日呢啲來自澳洲，Size適中唔會太細，而且都幾鮮甜，感覺新鮮。
沙律份量都幾多，除咗羽衣甘藍仲有羅馬生菜，感覺好新鮮，牛油果都好多，略嫌生咗少少，加埋脆脆麵包粒同芝士碎，好味呀！
至於石燒牛都幾厚切，店員解釋由於每位客人食牛的生熟程度不一，所以佢建議我哋先將塊牛放落碟，都食嘅時候切開，可以按自己要求再將佢放返上塊石燒度，舊石大概可以保持半個鐘頭嘅熱度，即使唔熱都可以叫店員再換另一塊。
開頭見佢拎過嚟嘅時候好似冇乜汁，不過食
落其實都有肉汁，一啲都唔乾，而且我覺得生熟程度剛剛好，裏面略略粉紅色，都幾好食。
最後我哋加咗$38要個cheese cake，家姐加$15要咗即磨咖啡，咖啡紋絡都好香， cheese cake都好食，成件事就圓滿晒。
張貼
