影片
更多
2018-04-21
240 瀏覽
前排係FB見到有$9蠔，對於我地呢D又想食蠔，又唔想太豪既人黎講，好明顯係機會黎啦~ 飛雲 !!! 咁岩老婆又就黎生日，咪book定生日哥晚，去食蠔兼慶生囉。哥晚我book左7點，係閒日 (星期二) 黎。由於係觀塘工業區，我以為唔會太多人。點知一去到，幾乎滿座，令我即刻心中暗喜。喂，滿座wo ?即係呢間野衰極有限，甚至有D料到啦。 間鋪唔算大，通道比較迫。我地張枱係最角落頭，行入去時都幾辛苦，要小心翼翼唔好撞倒人。還好張枱夠大，坐低之後都舒服既。打開餐牌，款式未至於話好少，但好明顯唔算太花巧太多野，岩晒有選擇困難症既人。我地第一時間揀左$9蠔，然後就係海鮮、肉類、小食之間揀揀揀，最後揀左海鮮拼盆 & 羊架。$9蠔唔算好細，味道亦可以。$9隻咋大佬，算係咁啦。食完一round之後，就叫左高一級的蠔 (佢好似有4級的)，十幾蚊隻，仲送一杯白酒。相比起$9哥款，係大左少少、好味少少既，一分錢一分貨也。 海鮮拼盆賣相勁靚，有螺、元貝、魚、蝦、同埋勁好味既焗蘑菇! 蘑菇焗得岩岩好，無話焗到乾晒，好香口又好juicy，面頭有D黑松露，同D菇味勁夾，正呀! 蝦都OK，好新鮮好彈牙。螺、元貝&魚 哥D
前排係FB見到有$9蠔，對於我地呢D又想食蠔，又唔想太豪既人黎講，好明顯係機會黎啦~ 飛雲 !!! 咁岩老婆又就黎生日，咪book定生日哥晚，去食蠔兼慶生囉。哥晚我book左7點，係閒日 (星期二) 黎。由於係觀塘工業區，我以為唔會太多人。點知一去到，幾乎滿座，令我即刻心中暗喜。喂，滿座wo ?即係呢間野衰極有限，甚至有D料到啦。
間鋪唔算大，通道比較迫。我地張枱係最角落頭，行入去時都幾辛苦，要小心翼翼唔好撞倒人。還好張枱夠大，坐低之後都舒服既。打開餐牌，款式未至於話好少，但好明顯唔算太花巧太多野，岩晒有選擇困難症既人。我地第一時間揀左$9蠔，然後就係海鮮、肉類、小食之間揀揀揀，最後揀左海鮮拼盆 & 羊架。
$9蠔唔算好細，味道亦可以。$9隻咋大佬，算係咁啦。食完一round之後，就叫左高一級的蠔 (佢好似有4級的)，十幾蚊隻，仲送一杯白酒。相比起$9哥款，係大左少少、好味少少既，一分錢一分貨也。
海鮮拼盆賣相勁靚，有螺、元貝、魚、蝦、同埋勁好味既焗蘑菇! 蘑菇焗得岩岩好，無話焗到乾晒，好香口又好juicy，面頭有D黑松露，同D菇味勁夾，正呀! 蝦都OK，好新鮮好彈牙。螺、元貝&魚 哥D就認真普通啦無咩特別。至於羊架呢，真係堅，係我食過既最好味既羊架 (我又唔係成日食羊架既)。D肉又係岩岩好，外脆香口，內嫩有肉汁，肥瘦既比例又岩feel。仲有哥個薄荷醬，平時我唔多like甚至唔會點醬的，但係呢間又係出奇地好味，總之就係正啦! 埋單好似八舊水左右 (兩大人兩小孩)，價格合理，應該會再幫襯既。
補充 : 侍應少左D囉，點菜時舉到手都軟先有人黎，希望可以改善下啦。
6 瀏覽
0 讚好
0 留言
張貼
