影片
更多
2019-06-26
71 瀏覽
尋晚去天水圍探屋企人，夜晚呢就跟咗佢哋去附近嘅置富嘉湖二期食晚飯，揀咗依間都幾出名嘅湘川滬食飯。都幾開心啊因為呢度有我鍾意食嘅片皮鴨（即係北京填鴨）食呀！依款片皮鴨都幾抵喎，我估佢係真係落單之後再新鮮燒起，都係收你二百幾蚊咋，另外加多$50仲可以選擇兩食添。北京填鴨依個片皮鴨燒完之後職員就真係拎咗上檯俾你原隻過目，望完冇問題之後，你哋就拎埋旁邊慢慢起皮，都起得幾好，香脆嘅片皮鴨，放喺仲係好燙手嘅薄餅皮，加上青瓜以及大蔥，仲有靈魂嘅海鮮甜醬，包好之後一啖咬落去，超級滿足！第二食就揀咗涼瓜炆鴨，估唔到佢嘅鴨件都仲好厚肉，加上涼瓜去炒分量十足，呢個涼瓜炒完之後味道清甜唔覺有苦味，鴨肉味道香濃，同涼瓜配搭得好好！依款小籠包，真係要做到皮薄餡靚，一蒸起拎上台嗰陣時仲係脹卜卜嘅，食小籠包記得要先喺個頂度咬開，然後吸入邊嘅肉汁（啲肉汁好鮮甜喎！），之後就可以點一啲醋嚟食。依個雜錦津白煲，開頭叫嗰陣時都冇留意原來係個湯嚟嘅，佢嘅材料非常豐富，有蝦仁、鹹肉、雞肉、豆腐、雜菇以及津白（即係紹菜），飲落去好鮮味而且濃而不濁，好味道！最後依一款鹹蛋黃炒蝦球，蝦球爽口彈牙，晶瑩剔透，不得不提嘅係佢個蛋黃外皮，新
都幾開心啊因為呢度有我鍾意食嘅片皮鴨（即係北京填鴨）食呀！
依款片皮鴨都幾抵喎，我估佢係真係落單之後再新鮮燒起，都係收你二百幾蚊咋，另外加多$50仲可以選擇兩食添。
北京填鴨
依個片皮鴨燒完之後職員就真係拎咗上檯俾你原隻過目，望完冇問題之後，你哋就拎埋旁邊慢慢起皮，都起得幾好，香脆嘅片皮鴨，放喺仲係好燙手嘅薄餅皮，加上青瓜以及大蔥，仲有靈魂嘅海鮮甜醬，包好之後一啖咬落去，超級滿足！
第二食就揀咗涼瓜炆鴨，估唔到佢嘅鴨件都仲好厚肉，加上涼瓜去炒分量十足，呢個涼瓜炒完之後味道清甜唔覺有苦味，鴨肉味道香濃，同涼瓜配搭得好好！
依款小籠包，真係要做到皮薄餡靚，一蒸起拎上台嗰陣時仲係脹卜卜嘅，食小籠包記得要先喺個頂度咬開，然後吸入邊嘅肉汁（啲肉汁好鮮甜喎！），之後就可以點一啲醋嚟食。
依個雜錦津白煲，開頭叫嗰陣時都冇留意原來係個湯嚟嘅，佢嘅材料非常豐富，有蝦仁、鹹肉、雞肉、豆腐、雜菇以及津白（即係紹菜），飲落去好鮮味而且濃而不濁，好味道！
最後依一款鹹蛋黃炒蝦球，蝦球爽口彈牙，晶瑩剔透，不得不提嘅係佢個蛋黃外皮，新鮮炸起，入口脆卜卜，充滿鹹蛋香味，如果黎多碗飯，更加錦上添花。
張貼
