燒肉一番 (已結業)

前排同朋友去葵廣行完街搵到尼間食燒肉，幾抵食！我地叫咗個牛胸腹＋牛小排 ＋牛舌三食套餐，配上生卵紫菜珍珠飯同埋送嘅牛五花，絕對係一個超值嘅選擇！牛肉比想像中大份，咁多款以牛胸腹肉味最濃，牛舌最香另外加左牛舌心，比牛舌彈牙但唔可以燒得耐扇貝中等size，肉質正常但鮮味差少少🤔反而廣島蠔鮮嫩多汁好食D！龍蝦尾就更加要叫！$68份我哋一人叫左一隻，龍蝦肉質鮮甜，燒到微微焦香，啖啖肉超滿足～最後佢哋嘅炸物都唔錯，吉列炸蝦炸得香脆，唔厚粉🙌🏻Overall尼間餐廳嘅set幾抵食，仲有一人間隔位，自己去食都唔尷，如果D材料上枱前解凍得徹底啲會更好