燒鬼

銅鑼灣就不嬲都多美食，今次就嚟到呢一個位於樓上鋪嘅燒肉放題店，之前同朋友食過一次都覺得質素唔錯，所以就再嚟多一次

作為燒肉放題店，食物款式種類都算多，除咗有肉類，仲有好多嘅前菜、蔬菜類、熟食，而且仲有刺身食！

放題套餐有3款，如果唔食刺身嘅可以揀最平嘅套餐，但我就非常之鍾意食刺身，所以揀咗中間價位嘅牛海姬套餐，抵食之餘仲好多菜式！

🔶頂級美國牛

共8款部位，當中我最鍾意嘅係牛舌，厚薄適中而且又大大塊，啖啖肉好滋味！

🔶刺身

極推薦魷魚、甜蝦，雖然每件都係細細塊，但兩者都十分鮮甜，非常驚喜！

🔶前菜

共7款，枝豆、帶子裙邊都值得一試👍

🔶其他推薦
天婦羅

和牛關東煮、海蝦、牛油金菇