蚊蚊豬老火鍋 (已結業)

嚟介紹下抵食嘅餐廳喇🥢！今次想介紹嘅就係我好耐都冇食過嘅邊爐放題啦🤣！今次食嘅係位於深水埗嘅蚊蚊豬老火鍋分店，我都係食完先發現原來佢仲有間分店係位於太子🫢。我揀呢間餐廳嘅原因係因為佢除咗打邊爐之外都仲有啲唔同嘅鍋物可以食🤩。唔講咁多廢話啦，即刻入正題！環境方面☝🏻餐廳嘅裝修比較簡潔，坐位都算乾淨同埋走廊通道都保持到乾爽👍。另外自助區嘅食物都應有盡有，同埋會定時refill✨。我記得我不停夾佢嘅炸魚皮食😂，而佢都有keep住refill🫡。另外飲品同Gelato雪糕嘅種類都算多，叫咗可以meet到唔同人嘅口味😬。食物方面✌🏻任飲任食放題（$268）刺身拼盤個人覺得刺身嘅份量啱啱好，相信大家都唔會想喺未開始打邊爐就食飽😎。佢嘅份量除返開真係做到開胃小食嘅效果，刺身都算新鮮同埋餐廳嘅刺身主要都係厚切✨，食起上嚟好有口感🤪。海鮮拼盤拼盤入面有青口、鮑魚同埋蝦🦐，除翻開人頭每人去食到各一隻。我覺得佢海鮮拼盤一樣係想做開胃小食嘅效果😗，食完唔會話太飽但係又可以試到餐廳嘅新鮮食材☺️。紅酒牛尾鍋呢份每枱限定送嘅牛尾鍋就咁睇呢個鍋嘅賣相真係好靚，睇到都覺得好開胃😍。見到餐廳變咗好多蕃茄去煮呢一個湯底🍅。