泰邊爐 (已結業)

瓊華係mk出左名嘅飲食集中地，今晚我地試左呢間9樓嘅泰邊爐，聽個名食字之餘又表達到個意思，都幾有趣。友人話留意到佢地轉左新餐牌，有海鮮食，所以試下。呢度嘅環境都幾大，坐得好舒服，晚市都幾好生意，最好就book位。晚餐每位198蚊，放題任食，如果鐘意食海鮮，可以加70蚊升級海鮮拼盤，價錢就268蚊一位。成個套餐有幾款鍋底可以揀，包括冬陰公同椰子雞煲、清咖喱雞同豬骨濃湯選擇，一個價錢包哂：安格斯肥牛、黑豚肉、羊肉、排骨、豬頸肉、手打自製丸、特色丸拼盤、泰式鳳爪、豬肉碎生菜包、麵食、自助甜品吧，當然唔少得啤酒汽水任飲。落單後就會一次過上哂呢啲食物，佢另外仲有一張紙俾你任點任食，所以食物選擇真係好豐富，呢個價係真抵呢。六點鐘上到來已經有好多人，大充份仲要係訂左位，我地點左椰子雞煲，雞煲中加左椰漿，仲有椰肉、洋蔥、香菜等等，椰漿香味濃稠，雞件都算幾滑，而且好大舊，好似豬骨，雖然啖啖肉，但就食得無咁方便。食完雞後，就可以加入椰汁繼續打邊爐，所以基本上湯底都唔會變淡升級海鮮拼盤包左：鮑魚、扇貝、大蝦、桶蠔、蜆、紅鮋、翡翠螺，呢個價錢都ok嘅，擺盤比我想像中好，特別覺得大蝦、蜆肉係新鮮！蝦爽彈，蜆多汁