田記魚蛋牛腩專門店 (碧街)

營業中

休息中

同朋友一齊去咗「田記魚蛋牛腩專門店」食魚蛋粉。除咗非常抵食，仲有幾多選擇，食材用料都好傳統做得好標準，呢頭都好多街坊特登嚟幫襯，勝在夠地道！我地點了崩沙牛腩河、招牌魚蛋麵、炸魚皮以同生菜，豆漿味道亦非常香濃，夾埋粉麵食真係一流！崩沙牛腩河粉鍾意食牛腩嘅一定會好鍾意呢個炆婚紗腩，充滿牛肉嘅鮮香味道，肉質柔軟，肥瘦除咗均勻入口都非常清甜，入面嘅白蘿蔔亦都朔晒牛肉湯汁，鮮甜無比！再食多啖香滑河粉，完美感呈現一碗港式牛腩河粉！招牌魚蛋麵鍾意食魚蛋嘅一定要試吓由新鮮魚肉整出的魚蛋，夠晒爽口彈牙，仲充滿魚肉嘅鮮香味，我同朋友都係叫咗河粉，因為呢度嘅河粉實在太香滑，食完一碗亦非常飽肚，夠晒足料！炸魚皮非常香脆可口嘅炸魚皮，用膠袋先綁好一大包，每一塊魚皮都充滿香脆嘅魚香，一啖魚皮一啖湯汁咁浸一浸嚟食，真係會令人冇辦法抗拒食晒成大包！