羅麥記 (荃新天地) (已結業)

其實剛剛同男友食完韓國野 不過食完覺得好似唔夠飽 就走過黎諗住食小食😂叫左2樣野 一個係蝦多士 另一個係男友最愛既炸雞脾落單等左10分鐘到 蝦多士就黎到啦 一黎到見到呆一呆 係5粒好大粒既蝦多士 漲卜卜好得意😝 新鮮炸好熱辣辣 但食落無咩蝦味 唔講以為食梗炸乜丸咁 味道可以既跟住到炸雞脾 都係即炸脆卜卜 無咩炸粉岩哂我🙈 雞肉都好夠味 但覺得炸耐左少少 d肉都開始乾乾地同鞋鞋地 雞脾睇落好大隻 但食落又無咩肉咁 食完都唔覺得飽 可能我地大食😝