緣味小聚 (LADDER Dundas) (已結業)

冬天要食暖笠笠既海鮮蒸鍋～今次黎到旺角搵到寶，首先飲盅自家足料蟲草花湯，非常濃郁，感覺滋補。之後店家會悉心幫客人蒸海鮮，用上計時器，包保唔會蒸過龍。鮑魚仲識郁架！入口新鮮彈牙，另外聖子都唔錯～唔洗怕唔飽～有張任叫肉類及甜點，包括牛頸脊都係任食架～蒸熟之後味道依然不錯👍🏻必食推介手打牛肉丸，回味無窮，已經很久沒嚐過如此鮮味的牛肉球，爽口彈牙，不過於滑溜失去口感，而且牛肉味濃，配上少許芫荽味，口感清新不會濟。自選八寶飯推介鮮淮山，選不同的肉類以及蔬菜，口感豐富，出奇地好味。甜點方面有很多選擇，黑糖桂花冰滑如啫哩，甜甜的，桂花味濃，作結很好味。