千海水產海鮮火鍋放題

營業中

休息中

上網見人介紹過呢間嘢，睇咗攻略知道晚餐時間未必夠食。就揀咗平日午市時間有三個鐘任食，帶埋兩老去試吓。湯底用迎新優惠揀咗麻辣鍋同埋花膠雞湯，不過湯底感覺上都冇乜特別。海鮮好新鮮，有個桶比你任你夾個下都幾有趣。我個日有幾種蜆，花甲好大隻，兩款蟹，三種蝦，鮑魚，全部都好生猛，啲海鮮食落都好彈牙結實，但鮮味就好似少咗少少。豬牛羊肉類都有，但主要食海鮮多，記憶點唔多，肉質都可以嘅。熟食質素都唔錯，炸雞翼，乳鴿，鴨肝多士等等，款式夠食。出面都有好多款菇菜或者丸類比你自己夾，但真係食唔到咁多。甜品櫃都有唔少款式，例如大福、燉蛋、細細件蛋糕，但我哋都食唔落了，因為有哈根大師糕任食，我哋都食咗兩三杯。上菜速度正常，店員服務好好，有禮貌，收碟都快，主動提供紙巾。整體黎講，成家都食得好滿意，會再去食。少少個人意見就係如果食蜆嘅話，個火鍋湯底可以加普通熱水，唔使落佢哋壼湯，因為食到後尾會好鹹。