曼谷廚房工房 (已結業)

今日無食早餐好肚餓，所以lunch都叫左個好豐富既二人餐😎先來一份小食拼盤，手工蝦餅應該啱啱炸好，裡面啲蝦滑好熱好彈牙。素菜長春卷個皮好脆，鳳爪沙律係白雲鳳爪，好爽脆。肉骨茶唔係平時食開個種味道，原來唔係新加坡好重胡椒味、又唔係平時馬拉西亞好重藥材味個隻，而係馬拉新山的肉骨茶，藥材味比較淡，第一次食新山肉骨茶，幾特別，鍾意淡淡藥材味的可以一試。再來半隻招牌海南雞，係黃油雞，無骨的雞食得特別爽，一定要點個醬，好開胃。啲花生都好脆泰式炒通菜個醬好有泰國地道的感覺甜品我地揀左椰汁西米糕，椰汁好香，好好食！呢個泰式珍珠奶茶係必飲呢間野門口好細，要經過一條走廊仔入去，差啲見唔到呢度有間餐廳，估佢唔到入面都幾多位，同埋野食都唔錯。