Cafe Siam (The Plaza ) (已結業)

今晚，突然好想食泰式菜，知道中環蘭桂芳開左間食泰國菜好出名既Cafe Siam,所以就黎試一下佢地出名既冬蔭公湯。精選泰式拼盤：炸蝦餅不但炸得香脆，而且蝦膠打得很滑身，入口軟滑，蝦肉又係用新鮮蝦打做而成，所以入口彈牙非常。燒豬肉串：豬肉不但燒得香口，而且肉質非常鮮嫩，油份不多，所以唔會好肥好油。炸春捲：春捲皮不但炸得乾脆，加上泰式醬汁，酸酸甜甜，實在係泰式風味十足。燒牛柳沙律：牛肉用上美國Us prime 切成，所以入口不但牛味濃，而且肉質非常有口感，肉汁又多，加上用上泰式醬料醃製，酸酸甜甜，非常開胃。冬蔭蝦湯：用上香茅，鮮番茄，加上大量泰式配料，入口不但辣味非常，而且蝦肉鮮甜，蝦肉吸收湯底後，份外突出蝦肉鮮味。總括來說，這裡食物品質高級，價錢合理，而且環境又舒適，絕對係相約朋友的好地方。