尚泰太 (已結業)

之前跟家人來晚餐，覺得食物味道好好。今次下午再來，食物質素同樣高，而且更抵食。泰式街頭酥炸雞皮 這款小食係每次必點！雞皮炸到脆卜卜，香口惹味，一點都唔油膩，忍唔住一口又一口咁食。無骨豬手飯 豬手忟得好淋又入味，食落感覺充滿啖啖骨膠原。咖哩牛腩 咖哩味香濃，配上微辣，惹味得來又易入口。可選配白飯或金磚四條，金磚即係蒜蓉包，焗得又脆又香，淨食或配咖哩食都好美味。青芒果沙律本身係微辣，店員推介時話微辣會提升味道層次。無奈同行家人唔食辣，店員表示可以選擇咗走辣。原來都好美味。甜甜酸酸好開胃。