影片
更多
2021-10-14
42 瀏覽
水門雞飯 (豉油街) (旺角)💛••••••••••••••••••••••••••••••✄( •8• )✄( •8• )✄( •8• )✄( •8• )♥️餐點：•水門雞飯 $54•水門三寶雞飯 $64•泰式腩仔 $52••••••••••••••••••••••••••••••♥️食評：水門開始咁耐真係未食過，終於的起心肝去試，當日夜晚七點幾大排長龍，但過咗第一輪食客就好快等到位，食物都係一落單就好快到，呢點我幾鍾意。雞飯嚟講，飯底比較清，唔係落黃薑粉嗰個派系，但都幾好食，雞都幾嫩，有雞味，去晒骨，但個人鐘意調味更重嘅😋有一款醬汁點，都唔錯。三寶雞就係水門雞+炸雞+雞雜，第一次食雞雜發現真係唔係每個人都食到內臟！超濃內臟味，雖然唔臭，但個人就麻麻地🤣炸雞就唔係熱辣辣上枱，但唔會油淋淋，炸皮頭尾兩端比較厚，中間部分比較好食。泰式腩仔係我誤打誤撞叫但發現好多枱都有食，佢係厚切嘅腩肉，肥瘦夾雜，啲肥膏食入口唔會勁多肥油，不過我嗰碟兩塊嘅質地唔一樣，一塊係比較似豬頸肉，另一塊就係似腩肉，仲會食到塊豬皮煙煙韌韌，醬汁偏辣，幾正，可以試吓。除咗雞飯仲有啲泰式湯粉、泰式飲品等等，不過我見大部分都食
••••••••••••••••••••••••••••••
✄( •8• )✄( •8• )✄( •8• )✄( •8• )
♥️餐點：
•水門雞飯 $54
•水門三寶雞飯 $64
•泰式腩仔 $52
••••••••••••••••••••••••••••••
♥️食評：
水門開始咁耐真係未食過，終於的起心肝去試，當日夜晚七點幾大排長龍，但過咗第一輪食客就好快等到位，食物都係一落單就好快到，呢點我幾鍾意。
雞飯嚟講，飯底比較清，唔係落黃薑粉嗰個派系，但都幾好食，雞都幾嫩，有雞味，去晒骨，但個人鐘意調味更重嘅😋有一款醬汁點，都唔錯。
三寶雞就係水門雞+炸雞+雞雜，第一次食雞雜發現真係唔係每個人都食到內臟！超濃內臟味，雖然唔臭，但個人就麻麻地🤣炸雞就唔係熱辣辣上枱，但唔會油淋淋，炸皮頭尾兩端比較厚，中間部分比較好食。
泰式腩仔係我誤打誤撞叫但發現好多枱都有食，佢係厚切嘅腩肉，肥瘦夾雜，啲肥膏食入口唔會勁多肥油，不過我嗰碟兩塊嘅質地唔一樣，一塊係比較似豬頸肉，另一塊就係似腩肉，仲會食到塊豬皮煙煙韌韌，醬汁偏辣，幾正，可以試吓。
除咗雞飯仲有啲泰式湯粉、泰式飲品等等，不過我見大部分都食雞飯，而雞飯、炸雞等當日八點幾都無晒lu，想食就真係唔好太夜去！
••••∩ ∩••••••••••••••∩ ∩•••••••••••••
✄( •ω• )♡( •8• )✄( •ω• )♡( •8• )✄
張貼
