Chullschick

位於中環嘅秘魯菜，舖仔細細，但舖面裝修好有特色，中午時段唔算多人，店員服務殷勤，個個都面帶笑容，喺香港地要搵個服務態度好嘅侍應確實有啲困難，呢方面算值得加分。

食物方面都好唔錯，以中環地段嚟講算係好抵食，確實值得一試！



招牌秘魯烤雞配焗薯：雞肉表面烤得好乾身，香口，肉質保持鮮嫩，焗薯更加出色，香甜棉蜜！

招牌秘魯烤雞配焗薯

秘魯辣椒蜜糖雞翼：輕微嘅辣味配蜜糖嘅甜，開胃又惹味

好惹味！

總括嚟講，以中環嘅價位算係好抵食，味道出色，絕對值得一試