海南餐廳 (已結業)

突然間好想好想食海南雞飯，原來中、上環一帶可以吃到鷄飯的餐廳也不少，但揀得入口也少至又少，原來㨂餐飯仲慘過揀老公。「海南餐廳」位於上環地段，晚飯時間都吾少街坊幫襯。一座低已經一眼鎖定了馳名「海南雞飯」$75呢個餐系一set 咁上枱，套餐包括了主角海南雞、油飯、油菜、冬瓜湯、醬料等。一囗試啖湯先，味道吾會只是齋冬瓜咁清淡，有點肉香，冬瓜又消暑解毒的功用，比一般例湯好喝得多。可能因為我靚女，唔使加錢就隻雞髀食。切鷄份量足，唔會切到薄e e 。 鷄皮金黃爽口，鷄肉富彈性，入口嫰滑，再加點薑溶和黑豉油令鷄味更升華，整體相當有水準。好的海南雞飯必配一碗油潤，發出陣陣香茅清香的絲苗米。這碗飯油潤感足，飯有咬口，唯獨欠了香茅的東南亞風味。